महाराष्ट्र शासनाने दि. १०/११/२०२२ रोजी ‘शासन व्यवहारात देवनागरी लिपी व वर्णमालेनुसार मराठी हस्तलेखन, टंकलेखन, मुद्रण, संगणक इ.साठी स्वीकारलेली देवनागरी लिपी व वर्णमाला अद्ययावत करण्याबाबत’ अशा आशयाचे एक परिपत्रक काढून मराठी वर्णमाला अद्ययावत केली आहे. यानुसार ‘ॲ
व ऑ’ या दोन स्वरांचा समावेश करण्यात आला आहे. या परिपत्रकाच्या ‘परिशिष्ट एक’मध्ये याचे पुढीलप्रमाणे कारण दिले आहे- “ॲ’ व ‘ऑ’ हे मराठीत असलेले परंतु इंग्रजी शब्दांमध्ये वैपुल्याने वापरले जाणारे असे दोन स्वरोच्चार आहेत. त्यांचा स्वरांमध्ये समावेश करण्याची आवश्यकता असल्यामुळे वर्णमालेमध्ये, स्वरांमध्ये उच्चारस्थानानुसार ‘ए’नंतर ‘ॲ’ आणि ‘ओ’नंतर ‘ऑ’ ह्यांचा समावेश करण्यात आलेला आहे.“
तेव्हा असे कोणते इंग्रजी शब्द आहेत की जे मराठी भाषेत वापरले जात आहेत. ज्यामुळे या स्वरांचा समावेश करण्यात आलेला आहे ते आपण बघुयात.
‘ॲ’ स्वरयुक्त शब्द
बॅग
गॅस
गॅप
टँकर
रॅली
स्वॅप
मॅप
बॅट
बॅटरी
ॲप
चॅटिंग
रॅक
बँक
ॲक्टिव्ह
ॲक्शन
बॅरिस्टर
हँग
फ्लॅट
लॅपटॉप
टॅब
गॅरंटी
ग्रँट
‘ऑ’ स्वरयुक्त शब्द
वॉशरूम
टॉवेल
नॉलेज
कॉलेज
कॉमेडी
काँग्रेस
कॉन्ट्रॅक्ट
कॉल
बॉल
ब्लॉग
ब्लॉक
प्लॉट
मॉल
डॉक्टर
लॉटरी
कॉम्प्युटर
वॉरंट
वॉरंटी
हॉटेल
रॉकेल
रॉकेट
सॉफ्ट कॉपी
– डॉ. राहुल पाटील